ევროპაში პანდემიამ ყველაზე ნაკლები შემოსავალი “საქაერონავიგაციას” დააკარგვინა

ორგანიზაცია EUROCONTROL-ის მონაცემებით, პანდემიის პირობებში საჰაერო ნავიგაციის სერვისის პროვაიდერებს შორის, ევროპაში ყველაზე წარმატებული “საქაერონავიგაციაა“. 2021 წლის 11 თვის მონაცემებით, 2019 წლის ანალოგიურ პერიოდთან შედარებით, “საქაერონავიგაციის“ შემოსავლები მხოლოდ 8%-ით შემცირდა. საქართველო არის ერთადერთი ქვეყანა, სადაც კლების ერთნიშნა მაჩვენებელი დაფიქსირდა. ფინანსურად ყველაზე მძიმე დარტყმა, გაერთიანებულმა სამეფომ, ესპანეთმა, იტალიამ, გერმანიამ და საფრანგეთმა მიიღო. ევროპაში საჰაერო ნავიგაციის სერვისის პროვაიდერების დანაკარგებმა ჯამში 2021 წელს, 2019 წელთან შედარებით, 3.7 მილიარდ ევროს მიაღწია.